Gure proiektu asko boluntarioI eta herritarren laguntzari irekita daude: eraztunketa, zentsoak garatzea, habi-kutxak jartzea, berrikustea eta garbitzea... Interesatzen zaizu? Jaso ezazu deialdien eta prestakuntza-ekimenen berri, gure sare sozialen eta agendaren bidez. Egin bat saileko kolaboratzaileen sarearekin, eta, bokazioak bideratzen eta balioa eransten duen ornitologia egiteko modu baten protagonista izango zara. Adin ezberdinetako taldea gara, eta zaleen eta profesionalen arteko sinergiak bilatzen ditugu. 

ENARAK PROIEKTUA

Sartu Ornithon ikusten dituzun enara, enara-azpizuri eta sorbeltzen habia guztiak, hauei babesten laguntzeko. Informazio guztia esteka honetan. 

EUSKAL KOSTALDEKO KAIOAK

Oso proiektu interesgarriak ditugu kaioekin. Urrutitik irakurtzeko eraztunekin markatutako kaioak bilatzen badituzu nondik datozen jakiteko, zentsoetan parte hartu nahi baduzu, ikerketa berriak proposatu nahi badituzu edo hegazti-talde berezi hori identifikatzeko behar duzun guztia ikasi nahi baduzu, agian Euskal Kostaldeko Kaioak izango da zure lantaldea. 

• Euskal Kostaldeko Kaioak taldeko kidea izateko araudia esteka honetan.